بالنسبة للدراسة في أكاديمية دراسات اللاجئين وتحديدا دبلوم الدراسات الفلسطينية .
من خلال تجربتي معاهم
أحب أوضح سريعا بعض النقاط الي ممكن تهم الدارسين الجدد في الأكاديمية
مبدئيا الدراسة بتكون
على مدار عام دراسي كامل ، عبارة عن فصلين دراسيين بينهم أجازة ، بينزل في بداية
العام جدول دراسي بمواعيد الاختبارات وأسماء المساقات الي هتدرسوها ، أي تعديلات
في الجدول دا بيتم إخطاركم بيها عن طريق الإيميل وفي جروب الدفعة على الواتساب .
 |
| جدول السنة الدراسية |
 |
| جدول الامتحانات |
طيب الموضوع بيمشي
ازاي ؟
الدراسة دي أونلاين
يعني ممكن تحضر المحاضرات من أي مكان حول العالم ، بيتحدد موعد ثابت للمحاضرات
ولنفترض انه كل يوم سبت الساعة 7 مساءا بتفتح المنصة الافتراضية وتسمع المحاضرة
وتقدر تتواصل مع المحاضر من خلال شات بيضم كل الموجودين .
طيب لو مش هتعرف تحضر
المحاضرة لأي ظرف ؟
بتبعت ايميل رسمي للإدارة بغيابك وتعلمهم بيه ،البرنامج الي
بنسمع عليه المحاضرات بيكون متوفر منه تطبيقات للموبايل بحيث ممكن تحضر حتى لو برة
البيت ومش معاك لابتوب.
الدراسة نفسها بقى ..
المحاضرات هي الأهم
لازم تسمعها ، بينزل على موقع الاكاديمية تفريغ المحاضرات لكن المحاضرة نفسها هي
المرجع الأول ، وهي دي الي بتيجي منها أسئلة الاختبار
طيب التقييم بيكون
ازاي ؟
الاكاديمية بتعتمد 3
طرق للتقييم
1-الاختبارات
2-ملف خدمة المجتمع
3-مشروع التخرج
1-الاختبارات
بتكون عبارة عن
اختيار من متعدد 60 سؤال في 40 دقيقة ، الزمن كافي جدا جدا للإجابة بشرط تكون
مذاكر كويس وواخد بالك من السؤال عاوز إيه تحديدا علشان اللخبطة ، الفصل الدراسي
فيه اختبارين يعني 4 في السنة .
2- ملف خدمة المجتمع
ودا عبارة عن ملف
بيطلب منك تقدم فيه خدماتك للقضية الفلسطينية والي استفدته من الاكاديمية سواء
تنظيم محاضرات ، مشغولات يدوية ، مقالات،
تقارير ، صفحات فيسبوك، تصاميم جرافيك ، أي شيء تقدر تبدع فيه وتقدم من
خلاله جديد للموضوع ، وبترسل للأكاديمية انت هعمل ايه تحديدا علشان يعتمدوه .
شخصيا كتبت مقالات وتقارير وبدأت أول نشاط فعلي لصفحتي على الفيسبوك نحكي لنحيا
3-بحث التخرج :
ودا بتقدمه الاكاديمية ف شكل عناوين محددة بتشتغل عليها وممكن انت
تقترح عنوان منفصل لو حابب تتكلم عن موضوع معين
بس ملحوظة مهمة من أول ما تختار عنوان البحث و تتوزع على مشرف البحث
الي غالبا هيكون محاضر في الاكاديمية ، لازم تبدأ في البحث عن المصادر والمراجع
الي هتشتغل منها لأنك هتتزنق جامد مع المذاكرة وهتتفاجئ بوقت التسليم لو مش عامل
حسابك
الفريق في الاكاديمية متعاون جدا ، وبيعملوا اعتبار للدارسين بس مهم
تكون ملتزم معاهم وبتحضر باستمرار ، ودي دراسة اختيارية يعني انت سجلت فيها علشان
انت غاوي موضوع معين فطبعا لازم تثقف نفسك وتشوف أفلام وثائقية كتير وتقرأ كتير في
الموضوع وإلا الدراسة دي مش هيكون لها قيمة
ودي مقترحاتي لو حابب تزود معرفتك الفلسطينية من هنا
أي حاجة مش واضحة أو أي أسئلة اتفضلوا اسألوا
بالتوفيق J
